【EXPO 2025】10 тамыз — Қазақстанның Ұлттық күні

Қазақстан мәдениетінің тылсым шұғыласы мен асқақ рухын паш ететін ерекше күн. Сіздердің назарларыңызға Қазақстанның Ұлттық күнінен естеліктер ұсынамыз.

10 тамыз Қазақстанның Ұлттық күні ретінде атап өтілді. Бұл күн — қазақ халқының адамгершілік және зияткерлік негізін қалаған ұлы ақын, философ Абай Құнанбайұлының туғанына 180 жыл толған мерейтойымен тұспа-тұс келген ерекше тарихи сәт болды.

Осынау айтулы күні қазақтың рухани болмысын паш ететін өнерпаздардың қатысуымен концерттер мен шерулер ұйымдастырылды. Концерт бағдарламасында қазақтың дәстүрлі музыкалық жанры — «күй» орындалды. Көшпенділер мәдениетін бейнелейтін, жыр-дастандар мен аңыз-ертегілерді музыка тілімен жеткізетін бұл өнер ұрпақтан-ұрпаққа ауызша беріліп келген. 2014 жылы ЮНЕСКО-ның адамзаттың материалдық емес мәдени мұрасы тізіміне енген күй өнері бүгінде бүкіл әлем тыңдармандарын таңғалдыруда. Әсіресе, киелі екі ішекті домбырадан шыққан ерекше ырғақ пен әуез көрермендердің ерекше ықыласына бөленді.

Кезінде Ұлы Жібек жолының маңызды торабы болған, бүгінде сан түрлі ұлттар тату-тәтті өмір сүріп жатқан Қазақстан үшін бұл күн — мәдениеттер алуандығы мен бірліктің күшін әлемге паш етудің тамаша мүмкіндігі болды.

Экспо 2025 Осака-Кансай көрмесі 13 қазанға (дүйсенбі) дейін жалғасады. Баршаңызды «F-коммонс — Қазақстан павильонына» келіп, Қазақстанның тартымды мәдениеті мен жарқын болашағына куә болуға шақырамыз.

【EXPO 2025】 Осака-Кансай көрмесі

◇ Өткізілу мерзімі: 2025 жылғы 13 сәуір (жексенбі) – 13 қазан (дүйсенбі) (184 күн)

◇ Өткізілу орны: Осака, Юмешима

◇ Ресми сайт: https://www.expo2025.or.jp/ https://www.expovisitors.expo2025.or.jp/pavilions/fa3a777b-a6ac-492b-bdb7-60d8e15e6f84